https://www.addasall.com

Karta është bosh

Home
Brumërat
Bukë me hikërr, kuinoa dhe thjerrëza të kuqe

Filloni leximit

min

0 0

Përbërësit

Rregullo Servirjen:

	130 gr Hikerr
	130 gr Quinoa
	150 gr Thjerrëza të kuqe
	2 lugë Uthull Molle
	1 lugë Kripë
	2 lugë Vaj ulliri
	7 gr Maja buke
	1 filxhan kafe Fara mikse (susam, liri, kungulli, luledielli etj.)
	sa për formim Miell Hikre
	Vaj ulliri për lyerje + fara për sipërfaqe

Bukë me hikërr, kuinoa dhe thjerrëza të kuqe

Name: Bukë me hikërr, kuinoa dhe thjerrëza të kuqe
Cook time: 50 min
Yield: 10 persona
Cuisine: Shqiptare
Ingredients: Hikerr: 130 gr; Quinoa: 130 gr; Thjerrëza të kuqe: 150 gr; Uthull Molle: 2 lugë; Kripë: 1 lugë; Vaj ulliri: 2 lugë; Maja buke: 7 gr; Fara mikse (susam, liri, kungulli, luledielli etj.): 1 filxhan kafe; Miell Hikre: sa për formim; : Vaj ulliri për lyerje + fara për sipërfaqe

Veçori:

Kuzhina:

Shqiptare

Buka që ushqen, forcon dhe nuk ngarkon. Me përbërës të thjeshtë por të pasur, kjo bukë është një alternativë e mrekullueshme pa miell klasik — perfekte për bruschetta, aperitivë ose si shoqëruese e përditshme për ata që kërkojnë ushqim të pastër dhe natyral.

Servirja
E lehtë

Përbërësit

130 gr Hikerr
130 gr Quinoa
150 gr Thjerrëza të kuqe
2 lugë Uthull Molle
1 lugë Kripë
2 lugë Vaj ulliri
7 gr Maja buke
1 filxhan kafe Fara mikse (susam, liri, kungulli, luledielli etj.)
sa për formim Miell Hikre
Vaj ulliri për lyerje + fara për sipërfaqe

Udhëzimet

Përgatitja hap pas hapi

Njomja e përbërësve:
Në një enë të madhe vendosni:
- 130 gr hikërr kokërr
- 130 gr kuinoa
- 150 gr thjerrëza të kuqe
  Mbulojini me ujë të bollshëm dhe shtoni 1 lugë gjelle uthull molle. Lërini të qëndrojnë gjatë natës (minimumi 12 orë).
Kullojini mirë:
Të nesërmen, kullojini mirë përbërësit e njomur dhe shpëlajini një herë me ujë të pastër.
Përpunimi në blender:
Hidhini në një blender të fuqishëm dhe bluajini me:
- 2 lugë të vogla kripë
- 2 lugë vaj ulliri
- 1 lugë gjelle uthull molle
  Bluajeni derisa të krijohet një masë homogjene, pak e trashë por e butë.
Shtimi i majasë:
Në një filxhan të vogël tretni 7 gr maja buke në pak ujë të vakët dhe lëreni 5 minuta të aktivizohet.
Shtojeni këtë tretje në blender me masën ekzistuese dhe bluajeni sërish për pak sekonda.
Shtimi i farave:
Hidhni masën në një enë dhe shtoni 1 filxhan kafe fara mikse. Përziejeni me një spatul derisa farat të shpërndahen mirë në brumë.
Fermentimi:
Mbulojeni enën me një pecetë të pastër ose qese kuzhine dhe vendoseni në një vend të ngrohtë për 30 minuta. Brumi nuk do të fryhet shumë, por do të marrë qëndrueshmëri.
Formimi i bukës:
Hidhni pak miell hikërr në duar dhe në sipërfaqen e punës. Nxirrni brumin dhe formoni një top pak të sheshtuar. Brumi mund të jetë pak ngjitës, ndaj përdorni miell hikërr sa herë që është e nevojshme.
Pjekja:
Vendoseni në një tavë të lyer me letër furre. Lyeni sipërfaqen me vaj ulliri dhe spërkateni me fara (susami, kungulli, luledielli ose si të dëshironi).
Piqeni në furrë të parangrohur në 180°C për rreth 50 minuta.
Bëni provën e shkopit: nëse del i pastër, buka është gati.
Ftohja:
Hiqeni nga furra dhe lëreni të ftohet mbi një rrjetë ose brenda furrës me derë të hapur, që të mos krijojë lagështi nga brenda.