Përbërësit
-
300 gr. Miell
-
2 lugë Mjaltë
-
1 Vezë
-
Një maj luge të vogël Sodë buke
-
200 gr. GjalpëGjalpi duhet të jete i ftohtë dhe i prer në kubik
-
Pakëz Kripë
-
200 gr. Reçel fiku
Udhëzimet
Vendosni të gjithë përbërsit e brumit në planin e punës ose në një robot kuzhine dhe formojeni atë derisa të keni një mas të ngjeshur mirë. Mbështilleni me qese kuzhine dhe lëreni në frigorifer te fresku të pushojë për 30 minuta
Ndërkohë te ngrirja vendosni për 15 minuta reçelin e fikut pasi ai na duhet shumë i trash që gjatë punimit mos të na shpërndahet në të gjithë brumin.
Kur brumi të jetë gati hapeni në një pet me trashësi 2-3 mm priteni diamaterin e petës në gjysëm
Larg njëra tjetrës aq sa ju mendoni se është sakt (pasi nuk duhet çuar dëm dhe shumë brumë) vendosni nga një lugë të vogël reçel fiku. Mbulojeni me pjesën tjetër të petës dhe me ndihmën e gishtave izoloni formën rreth e përqark reçelit. Priteni me kujdes me një form biskotash rrumbullake. Vendosini biskotat në një tavë me letër furre poshtë dhe vendoseni tavën në frigorifer te fresku për 10 minuta që brumi të forcohet paksa. Me brumin e mbetur mblidheni dhe ngjesheni duke e formuar, hapeni përsëri në një pet me trashësi 2-3 mm dhe vijoni të njëjtin proçes si më sipër.
Kur ka kaluar ora e pushimit të biskotave në frigorifer, vendosini të piqen në furrën e nxehur më parë në 180°C për 15-20 minuta.
Hiqini dhe lërini të ftohen plotësishtë para se ti shërbeni me çajin ose kafen tuaj të pasdites.
Hapat
|
1
Bërë
|
A nuk janë biskotat më të bukura që keni parë??? |
